Пантелеїмон

Кондак 1

Избранный страстотерпче Христов и врачу благодатный, туне подаяй недугующим исцеления, песньми восхваляем тя, заступника нашего. Ты же, яко имеяй дерзновение ко Господу, от всяких бед и болезней свобождай нас, любовию тебе зовущих:

Радуйся, великомучениче и целителю Пантелеимоне.

Икос 1

Ангела земнаго и небеснаго человека вемы тя, славный Пантелеимоне: ангельскою бо непорочностию и мученичеством украшен, преселися еси от земли на Небо, идеже со Ангелы и всеми святыми предстоя Престолу Господа славы, молися о нас, земных, почитающих тя звании сими:

Радуйся, светлосте благочестия; радуйся, преславный светильниче Церкви. Радуйся, мучеников пречестных украшение; радуйся, верных в непоколебимом терпении утверждение. Радуйся, юности преизрядная похвало; радуйся, поборниче Христов, в мужестве неодоленный. Радуйся, произрастший в мире, премирен явивыйся; радуйся, Ангеле во плоти, превосходяй смертных. Радуйся, небожителю всеблаженный; радуйся, Божественного разума вместилище. Радуйся, имже вера возвысися; радуйся, имже прелесть низложися. Радуйся, великомучениче и целителю Пантелеимоне.

Кондак 2

Видя тя Владыка сосуд избран, возлюби души твоея доброту. Ты бо земную всякую сладость и славу презрев, венцем мученическим возжелал еси украситися, уязвлен Божественною любовию, и вдохновенно поя: Аллилуиа.

Икос 2

Разум богодухновен имея, о доблий воителю Пантелеимоне, изумил еси царя Максимиана мужеством души твоея и словесы, имиже дерзновенно проповедал еси Христа. Темже похваляюще дерзновение твое, глаголем ти сице:

Радуйся, угрозы Максимиана презревый; радуйся, советом нечестивых непокоривыйся. Радуйся, насаждение истиннаго богопочитания; радуйся, искоренение демонскаго служения. Радуйся, неистовства мучителей изобличителю; радуйся, идольския прелести низложителю. Радуйся, разгнавый нечестивых соборища; радуйся, пременивый тленная на небесная. Радуйся, собеседниче невещественных Ангелов; радуйся, сликовствователю многострадальных святых. Радуйся, имже сатана посрамися; радуйся, имже Христос прославися. Радуйся, великомучениче и целителю Пантелеимоне.

Кондак 3

Силою Вышняго, дарованную тебе, и крепкие терпением твоим обезсилил еси мучителеву дерзость, мужественный победоносче: огня, зверей, колеса не убоявся и мечем усечен во главу, венец победы приял еси от Христа Бога, взывая Ему: Аллилуиа.

Икос 3

Имущи обитель твоя вседрагую главу твою, богомудрый страстотерпче, яко превеликое сокровище, радости исполняется о сем и, любовию воспевающи данную тебе от Бога благодать исцелений, благодарно зовет ти:

Радуйся, Никомидии светильниче всесветлый; радуйся, чтущей тя обители страже неусыпный. Радуйся, имже охладе безбожие; радуйся, имже возрасте богопознание. Радуйся, светлая страстотерпцев славо; радуйся, радостное православных слышание. Радуйся, исцелений благодатный источниче; радуйся, дарований великих вместилище. Радуйся, благовонное миро, облагоухающее души; радуйся, яко помогаеши призывающим тя. Радуйся, слепым зрение даровавый; радуйся, хромым благошествие устроивый. Радуйся, великомучениче и целителю Пантелеимоне.

Кондак 4

Бурею помышлений многобожия одержимь, нечестивый царь смутися, уведев от завиствовавших тебе врачев, яко всякия неисцельныя недуги целиши ты именем Христа. Мы же, с веселием славяще дивнаго в тебе Бога, вопием Ему: Аллилуиа.

Икос 4

Слышавше никомидийстии людие о великом сострадании твоем к страждущим и о безмездном врачевании от всяких болезней, устремишася вси к тебе, с верою во врачующую благодать, в тебе сущую, и приемлюще скорая исцеления от всяких болезней, прославляху Бога и тебе величаху, всемилостиваго целителя своего, зовуще ти:

Радуйся, помазанный миром благодати; радуйся, храме Бога освященный. Радуйся, великая благочестивых славо; радуйся, твердая озлобляемых стено. Радуйся, мудрых превосходяй разумом; радуйся, верных осияваяй мысли. Радуйся, Божественных даров приятелище и многообразных нам милостей Господних источниче; радуйся, скорый помощниче страждущим. Радуйся, обуреваемых пристанище; радуйся, заблуждших наставниче. Радуйся, болящих туне врачуяй; радуйся, обильно исцеления источаяй. Радуйся, великомучениче и целителю Пантелеимоне.

Кондак 5

Чудо преславное сотвори тобою Господь, егда чрез служителя Своего Ермолая призва тя в чудный Свой свет. Ехидною бо велиею угрызено умершее отроча по молитве твоей ко Христу абие оживе и воста здраво. Познав убо Жизнодавца всех истиннаго Бога, с твердою верою воззвал еси Ему: Аллилуиа.

Икос 5

Узре свет слепый, емуже с призыванием имене Христова прикоснулся еси ты, славне. Ермолаем бо пресвитером просвещен, отринув отеческое многобожие, восприял еси матернее благочестие, имже и отца просветил еси. Сего ради тебе, славному угоднику Божию и чудному врачу, взываем:

Радуйся, к Богу велие рачение имеяй; радуйся, присногорящий огню Божественныя любве. Радуйся, деятельный послушателю священных поучений Ермолая; радуйся, последовавый советам матере твоея Еввулы. Радуйся, яко вся раздал еси, да Христа приобрящеши; радуйся, любовь к миру любовию Божиею победивый. Радуйся, яко вместо сладких мира за Христа лютая страдания приял еси; радуйся, яко общник сотворился еси Страстем Христовым. Радуйся, восторжествовавый над всеми страстьми; радуйся, украсивыйся благодатным безстрастием. Радуйся, исполняяй радости притекающия к тебе; радуйся, туне исцеляяй всех благодатию Христовою. Радуйся, великомучениче и целителю Пантелеимоне.

Кондак 6

Проповедник истины явися просвещенный тобою телесне и душевне слепец: подобно бо евангельскому слепцу, дерзновенно пред всеми исповеда Света истиннаго Христа, просвещающа всякаго человека, нечестиваго же царя и боги языческия укорив, чрез мечное усечение взыде к немерцающему свету на Небеси пети Богу: Аллилуиа.

Икос 6

С светлым лицем представ судилищу цареву, дерзновенно взывал еси, преблаженне, во услышание всех: «Всецелебная сила моя и слава Христос есть истинный Бог, Владыка всех, мертвыя воскрешаяй и всяк недуг отгоняй». За таковое исповедание ублажающе тя, глаголем:

Радуйся, уста громогласная Божества Христова; радуйся языче медоточный, вещаяй Его домостроительство. Радуйся, ветие превышшаго богословия; радуйся, сеятелю мудрый благочестия. Радуйся, сладкозвучная веры свиреле; радуйся, славный проповедниче Православия. Радуйся, прежде смерти явивый дивная; радуйся, по смерти совершаяй чудная. Радуйся, зрителю славы Христовой; радуйся, послушателю молящихся тебе. Радуйся, подателю милости тоя требующим; радуйся, ходатаю благ почитающим память твою. Радуйся, великомучениче и целителю Пантелеимоне.

Кондак 7

Миро излияся на душу твою, богомудрый целебниче, от Утешителя Духа; темже по смерти честныя мощи твоя, благоуханием своим страстей злосмрадие отгоняя, исцеление подают вопиющим верою Богу: Аллилуиа.

Икос 7

Егда узреша идольстии чтители многолетна разслабленна, молитвою твоею, святе, воздвигнута и ходяща, мнози увероваша во Христа; жрецы же бесовстии, завистию снедаеми, подвигоша царя на ярость. Тебе убо нещадно за Христа стружему и опаляему бывшу, со умилением зовем:

Радуйся, наслаждения земная презревый; радуйся, благ вещественных превышший. Радуйся, яко вся красная мира сего ни во что же вменил еси; радуйся, яко славу скоротекущую с себе отрясл еси. Радуйся, неуловим пребывый ловления велиара; радуйся, победивый мучителя коварства. Радуйся, не пощадивый за Христа жизни своея; радуйся, враг явивыйся враждебныя плоти. Радуйся, многобожия широту утеснивый; радуйся, Божественною силою идолы поправый. Радуйся, острейшая стрело, язвящая враги; радуйся, предстателю, заступаяй верующия. Радуйся, великомучениче и целителю Пантелеимоне.

Кондак 8

Страннолепно являшеся тебе Господь, ободряя и соблюдая в мучениях за имя Его: во образе бо пресвитера Ермолая клокочущее олово, в неже ввержен был еси, охлади, и в мори отрешив велий камень от выи твоея, изведе неврежденна на землю. Ты же, паки представ пред царя, торжественнее пел еси Христу Богу: Аллилуиа.

Икос 8

Весь умне на Небеси водворяяся, и низу на земли сущих не оставляеши, сопребывая с нами всечестною главою твоею, великий страстотерпче Христов, приемля от Господа и подая просвещение и освящение вопиющим тебе таковая:

Радуйся, премудросте Божественныя исполненный; радуйся, промышления Божия о нас таинниче. Радуйся, богомудренных умов услаждение; радуйся, боголюбивых душ увеселение. Радуйся, пресветлый Христов бисере; радуйся, освященный душею и телом. Радуйся, во дворех перворожденных на Небеси вселивыйся; радуйся, в присноблаженных обитаяй чертозех. Радуйся, света Троическаго зрителю; радуйся, в молитвах к Богу теплый о нас предстателю. Радуйся, просвещение душам подаваяй; радуйся, скорбящим утешение низпосылаяй. Радуйся, великомучениче и целителю Пантелеимоне.

Кондак 9

Всякое естество удивися, Пантелеимоне, сиянию в тебе благодати и богатству добродетелей: ангелоподобней чистоте твоей, великому мужеству в лютых страданиях, крепкой любве ко Христу и многому состраданию к людем, в нихже твориши преславная, во еже пети: Аллилуиа.

Икос 9

Ветии многовещаннии не возмогут по достоянию восхвалити борения твоя, славный добропобедниче, како непобедимою силою Божиею юный леты победи древняго исконнаго врага и посрами идольскую прелесть. Мы же, удивления исполненнии, зовем ти:

Радуйся, радостное зрелище Ангелов; радуйся, благоговейное удивление человеков. Радуйся, кровь за Христа излиявый и в смерти млеко источивый; радуйся, тело за Него мученической смерти предавый. Радуйся, исповедничества правило; радуйся, доблий воине Царя царей. Радуйся, тьмы державца победивый; Радуйся, победою твоею небесных и земных обвеселивый. Радуйся, горняго мира обитателю блаженный; радуйся, дольняго мира мудрый странниче. Радуйся, древо, украшенное плодами благодатных дарований; радуйся, носяй добропобедныя ветви. Радуйся, великомучениче и целителю Пантелеимоне.

Кондак 10

Сострадания исполнен, яко истинный подражатель Подателя милости Господа, честный страдальче, Пантелеимоном, сиесть Всемилостивым, от Него преименован еси, на вся притекающия к тебе милость изливая, юже и нам неоскудно источай, о тебе вопиющим Богу: Аллилуиа.

Икос 10

Стену тя тверду обрет мучитель, никиими же муками победиму, покусися сокрушити крепость твою зубы зверей и остриями мучилищнаго колеса, обаче и в сем ничтоже успе: сила бо Христова лютость зверей укроти, а страшное коло, на немже обращаемо бе тело твое, абие сокрушися. Тебе убо непобедимому страстотерпцу зовем:

Радуйся, честное Христово избрание; радуйся, непорочное Богови благоухание. Радуйся, твердый адаманте Церкве; радуйся, непоколебимый столпе, досязаяй до Небесе. Радуйся, звери видимыя укрощаяй; радуйся, драконов невидимых сокрушаяй. Радуйся, обагренный твоею за Христа кровию срастворенною млеком; радуйся, неувядаемыя приемый венцы. Радуйся, радость причинивый Ангелом и человеком; радуйся, прославленный Богом на Небеси и на земли. Радуйся, небожителю, ликовствуяй с мученики; радуйся, насыщаяйся лицезрением Христа пресладким. Радуйся, великомучениче и целителю Пантелеимоне.

Кондак 11

Песнь исходную приносим твоему за Христа заколению священному, в немже вместе с кровию млеко истече от тебе, великомучениче, и масличина, под неюже усечен был еси, исполнися целительных плодов. Темже Христу, дивно прославляющему славящия Его, тепле вопием: Аллилуиа.

Икос 11

Светозарная свеща был еси, богомудре, во тьме многобожия седящим, путеводящая к Солнцу правды Христу Богу, Емуже молися, во свете заповедей Его присно пребывати и нам, сицевая радостная тебе приносящим:

Радуйся, пресветлая звездо, на мысленной тверди блистающая; радуйся, лучу, христоименитым людем светящий. Радуйся, таинственно облиставаемый от Солнца Христа; радуйся, умне землю обтекаяй. Радуйся, селение красное Пресвятаго Духа; радуйся, сосуде пречестный, изливаяй исцеления. Радуйся, чистоты сокровище; радуйся, милости тезоимените. Радуйся, Царствия Небеснаго наследниче; радуйся, вечныя славы сопричастниче. Радуйся, предстателю бедствующим в мори житейстем; радуйся, безсребренниче, помогаяй призывающим тя с верою. Радуйся, великомучениче и целителю Пантелеимоне.

Кондак 12

Благодати обилие приял еси, треблаженне, по обилию любве твоея ко Христу Богу. Иже и яви тя многоцелебным источником, безмездно врачующим душевныя и телесныя болезни притекающих к тебе с верою и Богу вопиющих: Аллилуиа.

Икос 12

Поюще многострадальныя подвиги твоя за Христа, славный страстотерпче, хвалим долготерпение твое, ублажаем мученическую кончину, почитаем и священную память твою, заступниче наш и целителю, и в похвалу сицевая тебе зовем:

Радуйся, благочестия трубо благозвучная; радуйся, мечу, посекаяй нечестие. Радуйся, строганный на древе за распростершаго руце Свои на древе Крестнем; радуйся, яко опаляемь за Него, прелести пещь погасил еси. Радуйся, язвами твоими враги уязвивый; радуйся, кровию твоею токи идольския крове изсушивый. Радуйся, в кипящее олово вверженный за Христа; радуйся, погруженный за Имя Его в водах морских. Радуйся, промышлением Божиим неврежден в сих пребывый; радуйся, яко чрез огнь и воду мучения вшел еси в покой небесный. Радуйся, изливаяй неизсякаемыя струи милости верным; радуйся, благосострадательный врачу, исцеления благодать подаваяй. Радуйся, великомучениче и целителю Пантелеимоне.

Кондак 13

О многострадальный и предивный страстотерпче Христов и целителю наш Пантелеимоне! Милостиво прием сие малое от нас приношение, от многообразных недугов исцели ны и предстательством твоим сохрани от враг видимых и невидимых и вечнаго мучения избавитися нам Господа умоли, да во Царствии Его выну воспеваем: Аллилуиа.

Этот кондак читается трижды, затем икос 1 и кондак 1.

Молитва 1-я

О великий Христов угодниче и преславный целебниче, великомучениче Пантелеимоне! Душею на Небеси Престолу Божию предстояй и триипостасныя Его славы наслаждаяйся, телом же и ликом святым на земли в Божественных храмех почиваяй и данною ти свыше благодатию различная чудеса источаяй, призри милостивным твоим оком на предстоящия люди, честней твоей иконе умильно молящияся и просящия от тебе целебныя помощи и заступления: простри ко Господу Богу нашему теплыя твоя молитвы и испроси душам нашим оставление согрешений. Се бо мы, за беззакония наша не смеюще возвести очеса наша к высоте небесней, ниже вознести глас молебный к Его в Божестве неприступней славе, сердцем сокрушенным и духом смиренным тебе, ходатая милостива ко Владыце и молитвенника за ны, грешныя, призываем, яко ты приял еси благодать от Него недуги отгоняти и страсти исцеляти. Тебе убо просим: не презри нас, недостойных, молящихся тебе и твоея помощи требующих. Буди нам в печалех утешитель, в недузех лютых страждующим врач, напаствуемым скорый покровитель, очесем недугующим прозрения датель, ссущим и младенцем в скорбех готовейший предстатель и исцелитель: исходатайствуй всем вся, яже ко спасению полезная, яко да твоими ко Господу Богу молитвами получивше благодать и милость, прославим всех благих Источника и Дароподателя Бога, Единаго в Троице Святей славимаго, Отца и Сына и Святаго Духа ныне и присно и во веки веков. Аминь.

Молитва 2-я, от лица болящего читаемая

О, великий угодниче Христов, страстотерпче и врачу многомилостивый Пантелеимоне! Умилосердися надо мною, грешным рабом, услыши стенание и вопль мой, умилостиви Небеснаго, Верховнаго Врача душ и телес наших, Христа Бога нашего, да дарует ми исцеление от недуга, мя гнетущаго. Приими недостойное моление грешнейшаго паче всех человек, посети мя благодатным посещением, не возгнушайся греховных язв моих, помажи тыя елеем милости твоея и исцели мя; да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь.

Молитва 5-я (благодарственная, по исцелении от болезни)

Святый великомучениче, целителю и чудотворче Пантелеимоне, всеизрядный угодниче Божий и молитвенниче присный христиан православных! Достойно наречен еси Пантелеимоном, еже есть всемилостивый, яко приняв от Бога благодать молитися за ны и болезни целити, ты богатно подаеши всем, к тебе притекающим, различная исцеления и вся к жизни временней и ко спасению потребная. Сего ради и мы, недостойнии, сподобившеся твоея милости, паки пред святою твоею иконою прибегаем к тебе, и прославляюще тя, яко искренняго угодника Божия, нашего же вернаго молитвенника и исцелителя, усердне благодарим тя и Подателя всех благ Господа Бога нашего о великих благодеяниих, от Него тобою нам бывших. Приими убо милостивно малое сие молитвенное благодарение наше, зане не имамы ино, что по достоянию воздати тебе, и прочее время живота нашего не лиши нас, немощных и грешных, твоея помощи и молитвеннаго ходатайства у Господа Бога нашего, Емуже подобает всякая слава, благодарение и поклонение, Отцу и Сыну и Святому Духу, ныне и присно и во веки веков. Аминь.

Кондак 1

Вибраний страстотерпче Христів і лікарю благодатний, що задарма подавав недужим зцілення, піснями за це прославляємо тебе, заступника нашого. Маючи сміливість перед Господом, від усяких бід і хвороб визволяй нас, що з любов’ю взиваємо до тебе:

Радуйся, великомученику і цілителю Пантелеймоне.

Ікос 1

Як ангела земного і небесну людину знаємо тебе, славний Пантелеймоне, ти, ангельською непорочністю і мучеництвом прикрашений, переселився із землі на небо, де, з ангелами і всіма святими стоячи перед Престолом Господа слави, молися за нас, земних, що вшановуємо тебе моліннями такими:

Радуйся, світлосте благочестя; радуйся, преславний світильнику Церкви.

Радуйся, мучеників пречесних окрасо; радуйся, вірних у непохитному терпінні утвердження.

Радуйся, юності особлива похвало; радуйся, воїне Христів, у мужності нездоланний.

Радуйся, бо виріс ти в світі й над світом піднісся; радуйся, ангеле у плоті, що перевершив смертних.

Радуйся, небожителю всеблаженний; радуйся, Божественного розуму вмістилище.

Радуйся, бо тобою віра піднеслася; радуйся, бо тобою оману ворожу знищено.

Радуйся, великомученику і цілителю Пантелеймоне.

Кондак 2

Владика, бачачи тебе сосудом обраним, полюбив душі твоєї доброту, бо ти земною всякою славою і насолодою знехтував, а вінцем мученицьким бажав бути прикрашеним, пройнятий Божественною любов’ю, натхненно співав: алилуя.

Ікос 2

Розум богонатхненний маючи, о мужній воїне Пантелеймоне, здивував ти царя Максиміана мужністю душі твоєї і словами, якими сміливо проповідував Христа. Хвалячи таку сміливість твою, взиваємо тобі:

Радуйся, бо погрози Максиміана ти знехтував; радуйся, бо порадам нечестивців ти не підкорився.

Радуйся, насадження істинного Богошанування; радуйся, викорінення демонського служіння.

Радуйся, бо оману мучителів ти викривав; радуйся, ідольської омани переможцю.

Радуйся, бо ти розігнав нечестивих зібрання; радуйся, бо перемінив ти тлінне на небесне.

Радуйся, співрозмовнику безтілесних ангелів; радуйся, бо радієш ти разом з сонмом багатостраждальних святих.

Радуйся, бо тобою сатана посоромився; радуйся, бо тобою Христос прославився.

Радуйся, великомученику і цілителю Пантелеймоне.

Кондак 3

Силою Вишнього, дарованою тобі, і великим терпінням твоїм знесилив ти мучителів зухвалість, мужній переможцю; вогню, звірів, колеса ти не побоявся, і мечем тебе було усічено, тому вінець перемоги прийняв ти від Христа Бога, взиваючи Йому: алилуя.

Ікос 3

Обитель твоя, маючи твою чесну голову як безцінний скарб, богомудрий страстотерпче, радістю переповнюється і любов’ю оспівує дану тобі від Бога благодать зцілення, вдячно взиває:

Радуйся, Нікомидії світильнику пресвітлий; радуйся, обителі, що шанує тебе, невсипущий охоронителю.

Радуйся, бо завдяки тобі охололо безбожництво; радуйся, тобою бо зросло богопізнання.

Радуйся, світла страстотерпців славо; радуйся, радісне православних слухання.

Радуйся, зцілень благодатне джерело; радуйся, дарувань великих вмістилище.

Радуйся, благодатне миро, що духмянить душі; радуйся, бо допомагаєш ти тим, хто закликає тебе.

Радуйся, бо сліпим зір ти даруєш; радуйся, бо кривим подаєш ти зцілення.

Радуйся, великомученику і цілителю Пантелеймоне.

Кондак 4

Бурею помислів багатобожжя одержимий, нечестивий цар був пригнічений, дізнавшись від лікарів, що заздрили тобі, як всяку невиліковну хворобу зціляєш ти іменем Христа. Ми ж, з веселістю прославляючи дивного в тобі Бога, співаємо Йому: алилуя.

Ікос 4

Чули нікомидійські люди про велике співстраждання твоє знеможеним і про безоплатне лікування від усяких хвороб, прямували всі до тебе, з вірою у лікувальну благодать, тобі даровану, приймали скоре зцілення від усяких хвороб, прославляли Бога і тебе величали, всемилостивого цілителя свого, взиваючи тобі:

Радуйся, помазаний миром благодаті; радуйся, храме Бога освячений.

Радуйся, велика благочестивих славо; радуйся, тверда для скорботних стіно.

Радуйся, бо мудрих ти перевищуєш розумом; радуйся, бо вірних ти освітлюєш думки.

Радуйся, Божественних дарів приємнику і різноманітних милостей Господніх для нас джерело; радуйся, скорий помічнику стражденним.

Радуйся, засмучених пристановище; радуйся, заблудлих наставнику.

Радуйся, бо хворих ти задарма лікуєш; радуйся, бо зцілення численні ти виточуєш.

Радуйся, великомученику і цілителю Пантелеймоне.

Кондак 5

Чудо преславне сотворив тобою Господь, коли через служителя свого Єрмолая покликав тебе в чудний Свій світ. Від укусу великої єхидни померло дитя мале, а по молитві твоїй до Христа ожило і стало здоровим. Пізнавши так Життєдавця всіх, істинного Бога, з твердою вірою воззвав ти Йому: алилуя.

Ікос 5

Побачив світ сліпий, до якого з призиванням імені Христового доторкнувся ти, славний. Єрмолаєм пресвітером просвічений, відкинув батьківське багатобожжя, прийняв материнське благочестя, яким і батька просвітив. Ради цього тобі, славному угоднику Божому і лікарю чудотворному, взиваємо:

Радуйся, бо до Бога ти велику любов маєш; радуйся, вогню Божественної любові, що вічно горить.

Радуйся, діяльний послушнику священних повчань Єрмолая; радуйся, бо слідував ти порадам матері твоєї Єввули.

Радуйся, бо все роздав ти, щоб Христа знайти; радуйся, бо любов до світу любов’ю Божественною ти переміг.

Радуйся, бо замість насолод світу цього ти за Христа люті страждання перетерпів; радуйся, бо ти став спільником страждань Христових.

Радуйся, переможцю над усіма стражданнями; радуйся, прикрашений благодатним безстрастям.

Радуйся, бо даруєш ти радість усім, хто до тебе звертається; радуйся, бо задарма зціляєш ти всіх благодаттю Христовою.

Радуйся, великомученику і цілителю Пантелеймоне.

Кондак 6

Проповідником істини явився просвіщений тобою тілесно і духовно сліпець: він, подібно до євангельського сліпця, сміливо перед усіма сповідував Світло істинне Христа, що просвіщає всяку людину, нечестивого царя і богів язичницьких докорив і через усічення мечем зійшов до немеркнучого світла на небеса, співати Богові: алилуя.

Ікос 6

Зі світлим лицем став ти перед судилищем царським і сміливо взивав, преблаженний, перед усіма: цілющою силою моєю і славою є Христос істинний Бог, Владика всіх, що мертвих воскрешає і всяку хворобу відганяє. За таке сповідання ублажаємо тебе, взиваючи:

Радуйся, бо ти є вустами громогласними божества Христового; радуйся, бо уста твої медоточиві сповіщають Його домобудівництво.

Радуйся, красномовцю найвищого богослов’я; радуйся, мудрий сіячу благочестя.

Радуйся, милозвучна віри сопілко; радуйся, славний проповіднику православ’я.

Радуйся, бо ще до смерті ти являв дивні дійства; радуйся, бо після смерті ти звершуєш чудеса.

Радуйся, бо ти споглядаєш славу Христову; радуйся, бо ти слухаєш тих, хто молиться до тебе.

Радуйся, подателю милості твоєї тим, хто її просить; радуйся, ходатаю благ тим, хто шанує пам’ять твою.

Радуйся, великомученику і цілителю Пантелеймоне.

Кондак 7

Миро вилилося на душу твою, богомудрий цілителю, від Утішителя Духа; тому після смерті чесне тіло твоє, духмяністю своєю сморідність пристрастей відганяючи, зцілення подає тим, хто з вірою до Бога взиває: алилуя.

Ікос 7

Коли побачили шанувальники ідолів багаторічного розслабленого, який по молитві твоїй піднявся і ходив, то багато з них увірували у Христа; жерці ж бісівські, поглинуті заздрістю, підмовили царя на лютість. Тобі ж, безжалісно за Христа струганому, обпалюваному, зі зворушеністю взиваємо:

Радуйся, бо насолоди земні ти знехтував; радуйся, бо над благами земними ти піднісся.

Радуйся, бо всяку красу світу цього ти за ніщо вважав; радуйся, бо славу швидкоминучу ти з себе струсив.

Радуйся, бо невловимим ти був для Веліара; радуйся, бо ти переміг підступи мучителів.

Радуйся, бо ти не пощадив життя свого; радуйся, бо ти став ворогом гріховної плоті.

Радуйся, бо багатобожжя широту ти стіснив; радуйся, бо Божественною силою ти ідолів подолав.

Радуйся, гостра стріло, що раниш ворогів; радуйся, заступнику, що заступаєшся за вірних.

Радуйся, великомученику і цілителю Пантелеймоне.

Кондак 8

Дивно являвся тобі Господь, підбадьорюючи і підтримуючи в муках за ім’я Його, бо в о́бразі пресвітера Єрмолая кипляче олово, в яке ти був укинутий, охолодив і в морі від’єднав великий камінь від шиї твоєї та вивів неушкодженим на землю. Ти ж, знову ставши перед царем, урочисто співав Христу Богові: алилуя.

Ікос 8

На небеса піднявшись, тих, що на землі, не залишив ти, перебуваючи з нами всечесною главою твоєю, великий страстотерпче Христів, приймаючи від Господа і подаючи просвіщення і освячення всім, хто так взиває тобі:

Радуйся, премудрості Божественної сповнений; радуйся, провидіння Божого про нас таїннику.

Радуйся, богомудрих ро́зумів насолодо; радуйся, боголюбивих душ радосте.

Радуйся, пресвітлий Христів бісере; радуйся, освячений душею і тілом.

Радуйся, бо в дворах першонароджених ти на небесах оселився; радуйся, бо в присноблаженних чертогах ти перебуваєш.

Радуйся, бо світло Троїчне ти споглядаєш; радуйся, в молитвах до Бога теплий за нас заступнику.

Радуйся, бо ти подаєш душам просвіщення; радуйся, бо ти посилаєш скорботним утішання.

Радуйся, великомученику і цілителю Пантелеймоне.

Кондак 9

Усяке єство здивувалося, Пантелеймоне, сяянню в тобі благодаті і багатству чеснот, ангелоподібній чистоті твоїй, великій мужності в лютих стражданнях, міцній любові до Христа і великому співстражданню до людей, серед яких ти твориш чудеса, щоб співали: алилуя.

Ікос 9

Проповідники велемовні не можуть достойно прославити боріння твої, славний добропобіднику, як непереможною силою Божою в юних літах переміг ти древнього лютого ворога і посоромив ідольську оману. Ми ж, здивуванням переповнені, взиваємо тобі:

Радуйся, радісне видовище ангелів; радуйся, благоговійне здивування людей.

Радуйся, бо ти кров за Христа пролив і в смерті молоко виточив; радуйся, бо тіло за Нього ти мученицькій смерті віддав.

Радуйся, сповідництва правило; радуйся, мужній воїне Царя царів.

Радуйся, бо темряви володаря ти переміг; радуйся, бо перемогою своєю ти небесних і земних звеселив.

Радуйся, Вишнього світу співжителю блаженний; радуйся, земного світу мудрий подорожній.

Радуйся, дерево, прикрашене плодами благодатних дарувань; радуйся, носій добропобідного віття.

Радуйся, великомученику і цілителю Пантелеймоне.

Кондак 10

Співстраждання сповнений, як істинно подібний до Господа, Подателя милості, чесний страдальче, Пантелеймоном (тобто Всемилостивим) Ним найменований був ти, бо на всіх, хто до тебе звертався, ти милість проливав, її ж і нам щиро виточуєш, що через тебе Богові взиваємо: алилуя.

Ікос 10

Стіну тверду, яка ніякими муками не руйнується, побачив у тобі мучитель і надумав скрушити кріпкість твою зубами звірів і лезом колеса, але і в цьому отримав поразку: сила бо Христова лють звірів приборкала, а страшне колесо, на якому крутилося тіло твоє, зруйнувалося. Тобі ж, непереможному страстотерпцю, взиваємо:

Радуйся, чесне Христове обрання; радуйся, непорочна Богові духмяносте.

Радуйся, твердий адаманте Церкви; радуйся, непохитний стовпе, що сягає Небес.

Радуйся, бо ти звірів видимих приборкуєш; радуйся, бо ти драконів невидимих скрушуєш.

Радуйся, обагрений твоєю за Христа кров’ю, розведеною молоком; радуйся, бо ти отримав нев’янучий вінець.

Радуйся, бо ти приніс радість ангелам і людям; радуйся, прославлений Богом на небесах і на землі.

Радуйся, небожителю, що торжествуєш з мучениками; радуйся, бо ти насолоджуєшся пресолодким спогляданням Христа.

Радуйся, великомученику і цілителю Пантелеймоне.

Кондак 11

Пісню відхідну приносимо твоєму священному заколенню за Христа, в якому замість крові з тебе витекло молоко, великомученику, а оливкове дерево, під яким тебе було усічено, сповнилося цільбоносних плодів. Тому Христу, Який дивно прославляє тих, хто славить його, тепло взиваємо: алилуя.

Ікос 11

Світлосяйним променем був ти, богомудрий тим, що сидять у темряві багатобожжя, і вів ти по путі до Сонця правди, Христа Бога, Йому ж молися, щоб і ми завжди перебували у світлі заповідей Його і радісно тобі такі моління приносили:

Радуйся, пресвітла зірко, що на мисленій тверді сяє; радуйся, променю, що христоіменитим людям світиш.
Радуйся, таємниче осяяний Сонцем Христом; радуйся, бо розумом своїм ти землю обтікаєш.

Радуйся, оселе прекрасна Всесвятого Духа; радуйся, сосуде пречесний, що проливаєш зцілення.
Радуйся, чистоти скарбе; радуйся, милості тезоіменитий.

Радуйся, Царства Небесного спадкоємцю; радуйся, вічної слави співпричаснику.

Радуйся, заступнику всіх, хто бідує в морі житейському; радуйся, безсрібнику, що допомагаєш усім, хто з вірою до тебе звертається.

Радуйся, великомученику і цілителю Пантелеймоне.

Кондак 12

Благодаті багатство прийняв ти, три блаженний, через велику любов твою до Христа Бога, Який і явив тебе багатоцілющим джерелом, що даром лікує душевні і тілесні хвороби всіх, хто до тебе звертається і з вірою до Бога взиває: алилуя.

Ікос 12

Оспівуючи багатостраждальні подвиги твої за Христа, славний страстотерпче, хвалимо довготерпіння твоє, ублажаємо мученицьку смерть, шануємо священну пам’ять твою, заступнику наш і цілителю, і з подякою так до тебе взиваємо:

Радуйся, благочестя сурмо благозвучна; радуйся, мече, що просікає нечестя.

Радуйся, струганий на дереві за Того, Хто руки простягнув Свої на дереві хреснім; радуйся, бо ти, будучи паленим за Нього, омани піч погасив.

Радуйся, бо ранами твоїми ти ворогів уранив; радуйся, бо кров’ю твоєю ти потоки ідольської крові висушив.
Радуйся, в кипляче олово вкинутий за Христа; радуйся, занурений за ім’я Його у води морські.

Радуйся, бо провидінням Божим ти неушкодженим у всьому перебував; радуйся, бо через вогонь і воду ти увійшов у спокій небесний.

Радуйся, бо ти виточуєш безкінечні потоки милості вірним; радуйся, благоспівстраждальний лікарю, що зцілення благодатні подаєш.

Радуйся, великомученику і цілителю Пантелеймоне.

Кондак 13

О багатостраждальний і предивний страстотерпцю Христів і цілителю наш Пантелеймоне! Милостиво прийми це мале наше приношення, від усяких недуг зціли нас і заступництвом твоїм збережи від ворогів видимих і невидимих і вічної муки позбавитися нам Господа ублагай, щоб у Царстві Його співати: алилуя.

Цей кондак читається тричі. Після цього знову читаються перший ікос і перший кондак.

Молитва до святого великомученика і цілителя Пантелеймона

О великий Христів угоднику і преславний цілителю, великомученику Пантелеймоне! Ти душею на небесах перед престолом Божим предстоїш і триіпостасною Його славою насолоджуєшся, а тілом і іконою святою на землі в Божественних храмах перебуваєш і даною тобі благодаттю різні чудеса твориш. Споглянь милосердним оком твоїм на людей, що стоять і перед чесною іконою твоєю моляться, благаючи від тебе цілющої допомоги і заступництва; піднеси до Господа Бога нашого теплі твої молитви і випроси душам нашим прощення гріхів. Бо ми через беззаконня наші не можемо підняти очей до висоти небесної, ні піднести голосу моління до Його в Божестві неприступної слави; серцем скрушеним і духом смиренним тебе, заступника милостивого перед Владикою і молитовника за нас грішних, закликаємо, бо ти отримав благодать від Господа недуги відганяти і пристрасті зціляти. Тебе просимо: не зневаж нас недостойних, що молимося тобі й помочі твоєї потребуємо, будь нам у печалях утішителем, у недугах лютих лікарем, у напастях покровителем, для хворих очей прозріння подателем, дітям хворим помічником. Випроси всім все, що для їхнього спасіння корисне, щоб твоїми до Господа Бога молитвами отримали благодать і милість і прославляли всіх благ Джерело і Дароподателя Бога, Єдиного в Тройці Святій, Отця, і Сина, і Святого Духа, нині, і повсякчас, і навіки-віків. Амінь.